Estudante Colegio Santo Inacio de LOIOLA, Kasait Fase hela sira nia liman antes atu tuir prosesu aprendisasen hafoin priense Kriteria husi Ministeriu Edukasaun no Ministeriu Saude Imajen/Antonio Goncalves

COVALIMA, 06 outubru 2021 (Tatoli)—Vise Ministru Edukasaun Juventude no Desportu (MEJD), husu ba estudante sira atu dixiplina kumpre regra protokolu Ministériu Saúde (MS) hodi halo prevensaun ba transmisaun COVID-19.

Notísia Releante: Suku Ogues okupa primeiru lugar tanba abitante maioria simu ona vasina

“Husu ba estudante no profesór sira, kontinua nafatin atu kumpre medida prevensauun no protokolu saúde ni’an hodi fase liman ho sabaun, uza máskara, distánsiamentu sosiál no labele haluha atu simu vasina,” António Guterres hateten iha kampaña vasinasaun iha Eskola Sekundáriu Jerál Públiku Suai, kuarta ne’e. 

Durante pandemia COVID-19, nia dehan, parte eskola halo suspensaun ba prosesu aprendizajen tanba Governu implementa serka sanitária no konfinamentu obrigatóriu.

“Ita hasoru dezafiu oioin iha prosesu aprendizajen tanba ita-nia saùde importante. Nune’e, VIII Governu konstitusionàl iha kompromisiu buka meiu atu halo prevensaun ba COVID-19, nune’e ita-nia rai bele tama iha situasaun normalidade,” nia hateten.

Nia informa, iha semana ida-ne’e, númeru vasinasaun iha nível nasionál ne’e Covalima okupa segunda lugar.

Diretòr Eskola Sekundáriu Jeral Públiku Suai, Francelino Freitas Carvalho, informa atu halo prevensaun ba COVID-19 ne’e, parte eskola kria kondisaun hodi instala bee-moos iha portaun boot, nune’e estudante no profesór bele fase liman no uza máskara molok tama iha resintu eskola nian.

Tuir dadus, daudaun ne’e profesór na’in-84 mak hala’o knaar iha eskola refere ho estudante hamutuk 2.177. 

“Profesór no estudante hirak ne’e, maioria simu ona vasina,” nia dehan. 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here