Membru PNTL RAEOA, tuir isar bandeira no rona hela Vise-Ministru Interiór, António Armindo, ninia diskursu. Imajen Tatoli/Abílio Elo Nini.

OÉ-CUSSE, 06 outubru 2021 (TATOLI)—Atu hasa’e tasa partisipasaun vasina, Polisia Nasionál Timor-Leste (PNTL) RAEOA verifika abitante sira-nia kartaun vasina iha fatin públiku no enkoraza populasaun atu hakbesik-an ba iha fasilidade saúde hodi simu vasina.

“PNTL nia luta iha Estadu Emerjénsia no Serka Sanitária ne’e atu fó apoiu ba Estadu Timor-Leste, katak povu labele mate tanba moras COVID-19. Estadu nia programa ne’e hanesan luta ida ba povo tomak, tanba ne’e mak ita iha RAEOA sei mantein nafatin verifika kartaun vasina iha fatin públiku sira, atu motiva sidadaun sira simu vasina,” Superintendente Xefe Mateus Mendes Asunção informa ba Agência Tatoli iha Kuartél PNTL Santa Rosa, Oé-Cusse, kuarta ne’e.

Iha verifikasaun ne’e, atu deteta mós sidadaun ba balun tenta manipulasaun hanesan impresta ema seluk nia kartaun vasina hodi uza ba movimentu iha rai laran, ida-ne’e ami sempre husu hatudu kartaun vasina ho eleitorál atu identifika identidade hanesan ka lae, maibé laiha manipulasaun ba karatun ne’e.

Iha Oé-Cusse, PNTL halo verifikasaun iha merkadu Maumate, suku Naimeco no merkadu Numbei, suku Costa, tanba tuir protokolu saúde ne’e tenke simu vasina dala ida no dala-rua di’akliu. Maibé, sira-ne’ebé seidauk simu vasina, PNTL la autoriza atu asesu ba merkadu ka ba fatin seluk.

Pasa-revista ba ba transporte públiku

Aleinde ne’e, Superintendente Xefe Mateus Mendes Asunção, hateten durante verifika kartauun vasaina, Servisu Unidade Tránzitu mós kontinua ativa hala’o pasa revista ba dokumnetu transporte públiku, kontra kodigu tranzitu nian tenke hetan sansaun hodi kontribui ba taxa Estadu.

“Servisu tranzitu kontinua la’o, hanesan iha fulan jullu hatama taxa ba kofre Estadu hamutuk $193.00 no fulan agostu hamutuk $120.00, selu direta iha banku BNU sukursál Oé-Cusse,” nia dehan.

Reseita ne’e mai hosi fonte kontra kodigu tránzitu, dokumentu laiha, no la-uza kapasete no inklui apreensaun.

Niaia dehan, regra kona-bá protokolu saúde, sidadaun hotu iha nasaun ne’e tenke kumpre, nuune’e bele prevene moras COVID-19 atu labele da’et tutan ba-mai.

Jornalista : Abílio Elo Nini

Editor       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here