iklan

MUNISÍPIU, VIQUEQUE

CI entrega karteira profesionál ba jornalista RPV

CI entrega karteira profesionál ba jornalista RPV

Distribuisaun karteira profesionál. Imajen//Vitorino Lopes da Costa

VIQUEQUE, 06 outubru (TATOLI)-Conselho Imprensa Timor-Leste (CI-sigla portugés) distribui karteira profesionál ba jornalista Radiu Povu Viqueque (RPV) hamutuk na’in hitu.

“Ohin, ami distribui kartéira profesionál na’in hitu. Karteira profesionál iha tipu rua, ida ba jornalista veteranu no jornalista foun tenki estájiu maka foin Conselho Impresa fó ezame hafoin simu karteira profesionál jornalista,” Diretór Ezekutivu CI, Rigoberto Monteiro, ba jornalista Agência Tatoli, iha edifísiu RPV, Viqueque vila, kuarta ne’e.

Tuir nia lolos ne’e, distribui ona ba rádiu komunidade, maibé mosu pandemia para tiha hafoin ramata serka sanitária CI tuun direta ba rádiu komunidade no jornalista korespondenti sira iha munisípiu hotu.

Kritéria atu hetan karteira profesionál ba jornalista sira ne’ebé antes lei komunikasaun sosiál ne’e simu jornalista no sira ne’ebé ikus tenki liuhusi prosesu estájiu.

Iha modelu tolu ramata universidade área komunikasaun sosiál estájiu profesionál durante fulan neen, ramata universidade maibé la’ós área komunikasaun estájiu durante tinan ida fulan rua no remata sekundáriu estájiu tinan ida fulan-ualu.

Depois estájiu to’o fulan sira ne’e  CI sei fó ezame matéria profesionál nian, pasa ezame foin simu karteira profesionál. “Karteira profesionál fó rekoñesementu ba ita-nia jornalista sira nian karreira profesionál, uza karteira profesionál hodi asesu ba informasaun sira,” Nia hato’o.

Iha fatin hanesan, Jestór RPV, Francisco de Jesus husu agradese ba CI tanba bele direta ba RPV hodi distribui karteira profesionál no oferese karteira estajiáriu na’in lima.

“Ami husu agradese ba Conselho Imprensa de Timor-Leste tanba rekoñese ona, hodi ami fasilita ami distribui karteira ba ami. Maske durante ne’e, media barak maka kestiona ami-nia serbisu. Maibé, ikus mai Conselho Imprensa distribui karteira ba ami,” Nia agradese.

Enkuantu distribui karteira profesionál ba RPV, distribui mós livru jornalizmu tolu ho títulu ‘Jornalizmu “Notísia Falsa” Dizinformasaun” ba jornalista Agência Tatoli ida, Rádiu Televizaun Timor-Leste, Empreza Públiku (RTTL.EP) ida no RPV livru ida hodi jornalista-sira bele estuda hodi hasa’e koñesementu iha mundu jornalizmu nian.

Entretantu karteira profesionál  ba na’in rua jestór RPV, jornalista RPV na’in ida no estajiáriu hamutuk na’in lima.

Jornalista: Vitorino Lopes da Costa
Editór: Rafy Belo

iklan
iklan

Leave a Reply

iklan
error: Content is protected !!