Presidente Repúblika, Francisco Guterres Ló Olo, hala'o enkontru ho Prokuradór Jerál República, Alfonso Lopez. Iha Palásiu Presidensiál Nicolau Lobato, tersa (05/10). Imajen Tatoli/Francisco Sony

DILI, 05 outubru 2021 (TATOLI)-Prokuradór Jerál Repúblika (PJR), Alfonso Lopez konvida Prezidente Repúblika (PR), Francisco Guterres “Lú-Olo’’, atu halo inagurasaun ba edifísiu foun  gabinete rua  PGR iha, Colmera-Dili.

“Konvida PR iha disponibilidade ona  atu halo inagurasaun edifísiu Gabinete Sentrál iha loron 27 outubru tinan ne’e,” Alfonso Lopez hateten ba jornalista sira hafoin ramata sorumutu ho Xefe Estadu iha edifísiu Palásiu Prezidensiál, Aitarak Laran, tersa ne’e.

Obra ne’e lokaliza iha PGR nia sorin, iha futuru sei funsiona hanesan Gabinete Sentrál Kombate Korrupsaun no Kriminalidade Organizada no seluk maka Gabinete Kontasiozu Estadu no serbisu espesializada rua ne’e funsiona depedénsia ba PGR.

Iha tinan 2019, Governu prevee orsamentu ba Prokuradória Jerál iha kategoria kapitál dezenvolvimentu ba obra rua, ida maka iha Colmera no ida seluk iha konstrusaun edifísiu PGR  iha munisípiu Lautém.

Obra Gabinete rua ne’e ho andar ida, harri iha rai metro kuadradu 900-resin nia leten, moru protesaun hale’u ho totál orsamentu hamutuk $746.000, no konstroe hosi empreza lokál.

Jornalista:Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here