Prokuradór Jerál Repúblika, Alfonso Lopez. Imajen Tatoli/Egas Cristovão

DILI, 05 outubru 2021 (TATOLI)-Prokuradór Jerál Repúblika (PJR) sei aprezenta kandidatu Adjuntu Prokuradór Jerál Repúblika (PJR) ba  Prezidente Repúblika (PR), Fransciso Guterres “Lú-Olo’’.

“Hanesan ita hatene dadaun PJR mesak presiza nia auxiliu koajuva ho Adjuntu Prokuradór Jerál. Nune’e tuir lei, Prezidente Repúblika sei uza nia konpeténsia eskluziva maibé sei rona uluk Konsellu Superiór Majistratura Ministéiru Públiku,” Prokuradór Jerál Repúblika (PJR), Alfonso Lopez hateten ba jornalista sira hafoin ramata sorumutu ho  Xefe Estadu iha edifísiu Palasiu Prezidensiál, Aitarak Laran, tersa ne’e.

Alfonso Lopes la esplika detallu kona-ba agora iha kandidatu ne’ebé maka konsellu diskute atu aprezenta no  prosesu ne’e la’o hela.

Iha Konstituisaun Repúblika Demokrátika Timor-Leste (KRDTL), artigu 86  kompeténsia kona-ba órgaun sira seluk; iha  Prezidente Repúblika nia kna’ar kona-ba órgaun seluk,  alinea l, deskreve katak (PR) maka  foti no hasai Adjuntu Prokuradór Jerál Repúblika nian sira tuir termu sira númeru 6 artigu 133 nian.

Iha  KRDTL artigu 134 Konsellu Superiór Ministériu Públiku nian, alinea 1, Konsellu Superiór Ministériu Públiku ne’e órgaun ida ne’ebé halo parte integrante ho Prokuradória Jerál Repúblika ninian no alinea 2, Prokuradór Jerál Repúblika prezide Konsellu Superiór Ministériu Públiku nian no nia kompozisaun ho vogál hanesan tuirmai ne’e; a) ida, Prezidente-Repúblika mak hatudu b) ida, Parlamentu Nasionál mak hili, c) ida, Governu mak hatudu, d) Ida, sei hili hosi majistradu Ministériu Públiku sira nia leet,no aliena 3, lei mak regula Konsellu Superiór Ministériu Públiku nia kompeténsia, organizasaun no funsionamentu.

KRDTL artigu 133 Prokuradória Jerál Repúblika nian,alinea 1, Prokuradoria Jerál Repúblika nian ne’e órgaun boot liu iha Ministériu Públiku, lei mak define nia kompozisaun no kompeténsia.

Enkuantu antes ne’e, iha loron 29 abríl, Alfonso Lopez, simu pose hosi PR nu’udar PJR ba mandatu tinan haat.

Jornalista:Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here