DILI, 04 outubru 2021(TATOLI)-Konstituisaun Repúblika Demokrátika Timor-Leste (RDTL) artigu 146 konsagra kona-ba forsa armada sira no artigu 147 refere ba polísia no seguransa sira. Artigu 146 alinea primeiru define katak FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál. No, artigu 147 alinea primeiru no daruak ko’alia katak Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku no Prevensaun kriminál tenke hala’o ho respeitu ba direitus umanu. Ho mandatu konstitusionál husi artigu rua ne’e, Timor-Leste hanesan Estadu demokrátiku iha mós nia órgaun Estadu sira. Tanba ne’e, atu asegura órgaun Estadu ho nia responsável sira, Polísia Militar (PM) disponibiliza kursu estájiu durante semana rua ba Falintil-FDTL husi kompenente oioin kona-ba tátika no téknika oinsá proteje no fó-seguransa ba autoridade no entidade Estadu sira. Depois formasaun, kursu ne’e halo ona nia enseramentu ho serimónia entrega sertifikadu ba estajiáriu sira iha kuartel Polisia Militar Quintal-boot Dili, segunda nee.

Produsaun Tatoli I.P @2021

PUBLISIDADEiklan

HAKEREK NO HATÁN

Please enter your comment!
Please enter your name here