Governu harii Uma Kbiit Laek ba ema kbiit laek sira iha suku Holarua-Manufahi. Imajen/Midia PNDS.

DILI, 04 outubru 2021 (TATOLI)—Ministru Administrasaun Estatál (MAE), Miguel Pereira de Carvalho, segunda ne’e inaugura Uma Kbiit Laek (UKL) ba ema kbiit laek iha Suku Holarua, Postu Administrativu Same Vila, Munisípiu Manufahi.

Notísia Relevante: Governu hahú ona konstrui “Uma Kbiit Laek” 1.254 iha territóriu nasionál

Ministru Administrasaun Estatál (MAE), Miguel Pereira de Carvalho, segunda ne’e inaugura Uma Kbiit Laek (UKL) ba ema kbiit laek iha Suku Holarua-Manufahi. Imajen/Mídia PNDS.

Tuir komunikadu imprensa ne’ebé Agencia Tatoli asesu ne’e haktuir, Ministru Administrasaun Estatál sente haksolok tanba Governu bele halo uma ne’ebé dignu ba sidadaun hotu-hotu ne’ebé konsideradu ema kbiit laek iha teritóriu nasionál.

Iha fatin hanesan, xefe suku Holarua sente orgullu tanba ho Programa Nasionál Dezenvolvimentu Suku (PNDS) bele ajuda komunidade iha suku ne’ebé durante ne’e hela de’it iha uma piku no uma duut nia okos, no bainhira udan monu rai ne’e, udan-been tama de’it ba uma laran.

Benefisiáriu ba Uma Kbiit Laek iha suku Holarua, Leopoldinha da Silva, sente kontente tebes tanba liuhosi Programa Nasionál Dezenvolvimentu Suku (PNDS) ajuda ona nia no nia husu Governu liuhosi PNDS atu kontinua nafatin no bele ajuda mós ema kbiit laek sira seluk.

Entretantu, serimónia inagurasaun ne’e partisipa hosi Ministru Administrasaun Estatál ho Ekipa, Embaixadór Austrália, adjuntu PDHJ, Team Leader Austrália, Diretora ST-PNDS, liña Ministeriál Munisípiu Manufahi, Funsionáriu PNDS, Autoridade Lokál Munisípiu Manufahi no komunidade suku Holarua.

Notísia Relevante: Konstrusaun ‘Uma Kbiit Laek’ iha munisípiu 12 atinje ona 25%

Implementasaun konstrusaun “Uma Kbiit Laek” ho pakote millaun $34

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here