DILI, 04 outubru (TATOLI)-Governu Xina liuhosi nia embasada iha Dili fó apoiu motorizada ho marka CFmoto hamutuk 20 ba Falintil-Forsa Defeza Timor-Leste (F-FDTL).

Xefe Estadu Maiór Jenerál F-FDTL, Coronél Calisto dos Santos “Coliati”. Imajen TATOLI/Egas Cristóvão

“Motorizada foun sira ne’e ita hetan apoiu gratuita hosi parseiru Governu Xina ba iha komandu iha semana hirak liu-bá “, Xefe Estadu Maiór F-FDTL, Brigadeiru Jenerál, Calisto dos Santos ‘Coliati’, hateten ba jornalista sira iha edifísiu Unidade Polísia Militár, Quintal-boot, segunda ne’e.

Motorizada sira ne’e koloka espesífiku ba Unidade Polísia Militár (PM) hodi utiliza hala’o servisu hanesan akompaña autoridade, komboiu militár no komboiu ne’ebé Governu presiza bainhira iha vizita internasionál mai rai laran atu akompaña.

Nune’e  Polísia Militár sei apoiu Polísia Nasionál Timor-Leste (PNTL) atu bele garante seguransa ba autoridade sira.

Nia agradese  ba Governu Xina  ne’ebé durante ne’e  fó apoiu maka’as ba instituisaun F-FDTL.

Jornalista:Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here