Administradór munisípiu Manufahi, Arantes Isaac Sarmento. Imajen TATOLI/Dok

DILI, 03 outubru 2021 (TATOLI)–Administradór munisípiu Manufahi, Arantes Isaac Sarmento, hateten, orsamentu tinan oin ba Autoridade, sei tau prioridade ba ordenamentu no hadi’a jardin sira.

“Orsamentu Jerál Estadu tinan oin, ami sei prioritiza halo ordenamentu sidade ne’ebé ita bolu tata kota no seluk ita haree liu ba hadi’a jardin sira ne’ebé eziste kedan desde tempu Indonézia nian, ne’ebé hahú a’at, ita atu reabilita hodi prezerva, tanba ne’e ita husu tan  orasamentu adisionál,” Autoridade munisipál ne’e dehan ba Agência TATOLI, foin lalais ne’e, iha Hotel Timor.

Munisípiu Manufahi simu envolope fiskál tinan 2022 ho montante millaun $3,2, maibé Autoridade propoin adisionál millaun $3,8 ba Komité Revizaun Orsamentu Polítiku (KROP).

Aleinde ne’e, iha tinan oin Autoridade Manufahi atu mós dezenvolve infraestutura bázika ba  nesesidade komunidade.

“Ita buka atu dezenvolve kestaun balun ne’ebé Autoridade planeia ona hanesan tau importánsia ba bee-moos atu komunidade sira bele asesu ho di’ak,” nia akresenta.

Jornalista : Natalino Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here