Mapa Timor-Leste. Imajen/Espesiál

DILI, 03 outubru 2021 (TATOLI)Ministériu Transporte no Komunikasaun (MTK) liuhosi Diresaun Nasionál Metrolojia no Jeofízika (DNMG, sigla portugés) observa kondisaun atmósfera estável iha semana ikus.

“DNMG observa bazeia ba modelu meteorolojia ne’ebé diferente, nota katak iha fim de semana ne’e (sábadu-domingu), iha parte dadeer atmósfera sei estável ka maioria naroman ho kalohan balun iha territóriu Timór nasionál, maibé iha fali parte lorokarik, atmósfera sei instável ka maioria kalohan sei taka no kalohan posibilidade bele kauza udan chuviska fraku kuaze iha territóriu nasionál, prisipalmente iha parte foho sira,” refere nota ne’ebé Agência TATOLI asesu, domingu ne’e ne’e.

Enkuantu, anin huu ho velosidade normál iha rejiaun sentrál no anin huu ho velosidade moderadu forte iha rejiaun kosteria sira, prinsipalmente iha Rejiaun Administrativu Espesiál Oé-cusse no Ambenu (RAEOA) no akompaña ho rajada anin, ne’ebé bele  to’o 30 km/h.

Kona-ba temperatura ár iha rejiaun kosteira, varia hosi 24 to’o 32 grau sélsiu, ne’ebé temperatura máxima iha RAEOA, Bobonaro no Manatuto no rejiaun montaña varia hosi 17 to’o 21 grau sélsiu, ne’ebé temperatura minima observa iha Ainaro no Ermera.

DNMG mós observa kondisaun laloran iha kosta norte nia a’as metru 0,4 to’o 1,1 (normál) no kosta súl laloran nia a’as 0,7 to’o 1,1 metru (normál).

Eventuál ne’e akontese tanba hetan influénsia hosi sitema meteorolojika sira ne’ebé maka estabelesidu, hanesan, ENSO-La Niña observadu no mós iha efeitu hosi diferensa presaun ne’ebé maka atualmente observa iha illa Timór hodi impulsiona no intensifika briza marrítima.

DNMG nota mós katak laiha tendénsia ba udan extremu iha territóriu nasionál, maibé husu ba komunidade jerál, liuliu komunidade ne’ebé hela iha rejiaun kosteira, prisipalmente ba maluk peskadór sira atu toma atensaun ba eventuál ida ne’e, atu nune’e bele evita dezastre ne’ebé la espera.

Jornalista : Florêncio Miranda Ximenes

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here