Bola. Ilustrasaun

DILI, 02 outubru 2021 (TATOLI) – Ekipa rua, Santa Cruz FC no Mushila FC obrigadu tenke fahe Pontu ba malu tanba konsege empata 0-0 iha jogu kontinuasaun Pra Liga Futsal Timor – Leste ba 12 jornada ne’ebé halao iha kampu futsal FALINTIL-Forsa Defeza Timor – Leste (F-FDTL), Fatuhada, sábadu lorokarik ne’e.

Esforsu no tentantiva oioin ekipa rua ne’e halo. Luta naruk entre parte adversária rua, hahú jogu hahú no ramata. Abilidade no téknika oioin Jogadór Santa Cruz FC no Mushila FC ezekuta ba malu maibé rezultadu la iha mudansa ba malu. Tanba ne’e, hakarak ka lakohi ekipa rua tenke fahe pontu 1-1 ba malu hanesan maske hothotu iha ambisaun atu manan jogu ne’e.

Iha minutu primeiru hahú, iha kampu laran, ekipa rua lansa kedas kontra ho atake ba malu maibé rezultadu guarda-rede ekipa rua nian nunka hetan fura husi jogadór ekipa idaidak nian. Golu la iha. Rezultadu mós la iha. Empata.

Iha jogu ne’e, Jogadór Santa Cruz tenta lansa bola maka’as ba guarda rede Mushila maibé barak mak la kona iha alvu no balun guarda-rede konsege baku sai ka salva. Guarda-rede asegurada to’o jogu ramata.

Hakat ba segunda parte jogu nian, ekipa rua halai ba mai kampu laran. Duni. Pasa. Suta no lansa bola malu. Hakat no halai ba guarda-rede adversáriu entre ekipa rua maibé rezultadu kontinua la iha mudansa. Esforsu lubuk. Kosar ua’in. Biar nune’e, esforsu no kosar ne’e, la rezulta golu ruma.

Tanba ne’e, bainhira arbitru lian naruk husi pesoál arbitrajen, ekipa rua; Santa Cruz FC ho Mushila FC tenke hakotu jogu ho rezultadu zero ba malu. Rezultadu ikus tenke empata malu; 0-0.

Jornalista: Hortencio Sanchez

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here