DILI, 01 outubru 2021 (TATOLI) – Governu liuhosi Sekretáriu Estadu Juventude no Desportu (SEJD) apoiu osan hamutuk rihun-8 resin ba Federasaun Xadrez Timor–Leste hodi hala’o kampionatu nasionál.

Sekretáriu Jerál FXTL, Juviano Salves Reis hateten orsamentu ne’ebé apoiu husi SEJD ne’e atu federsaun bele realiza atividade hodi promove foinsa’e sira-nia talentu iha Xadrez nian.

“Ami iha kompeténsia tomak atu realiza kampionatu nasionál iha tinan ida ne’e tanba hetan ona apoiu hosi SEJD. Ami sei  hahú rejistrasaun ba atleta sira hahú 04-25 outubru tinan ne’e,” Juviano ba jornalista-sira iha kampuz UNTL Dili, sesta lorokraik ne’e.

Oportunidade ne’e atu fó biban ba atleta seniór no juniór sira atu espresa sira-nia talentu hodi prepara ba jogu internasionál sira ne’ebé sei akontese iha futuru.

Atividade ne’e sei hala’o hahú 26-28 outubru no fatin seidauk deside klaru tanba sei iha prosesu nia laran.

Jogu ne’e sei fahe ba parte haat (4) entre seniór feto no mane, junior feto no mane mak sei kompete iha atividade ne’e.

Jornalista: Hortencio Sanchez

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here