SABORIA, 30 setembru 2021 (TATOLI) –Mundu inklui Timor-Leste atualmente enfrenta pandemia Covid-19. Tanba pandemia ne’e afeta ba umanidade, péritu sira iha mundu esforsu hodi identifika no dezenvolve medikamentu oioin hodi prevene no kura moras ne’ebé afeta husi surtu Covid-19 ne’e. Iha loron 19 janeiru 2020, indústria farmasia globál anúnsia kompromisu atu kombate moras ne’e. Tuirmai, péritu sira identifika katak vasina mak dalan di’ak liu hodi hasa’e imunidade hodi luta kontra Covid-19 ne’e. Tanba ne’e Governu Timor-Leste liuhusi desizaun Konsellu-ministru hodi hola ai-moruk AstraZeneca no hetan apoiu mós husi parseriu sira hanesan Austrália, Portugal, Xina, Japaun no seluktan hodi vasina nia sidadaun sira liuhusi vasina ho ai-moruk Astrazeneca inklui mós Sinovac hodi kombate vírus ne’e. Nune’e, Governu halo konsensializasaun no sensiblizasaun nasionál atu sidadaun sira bele simu vasina, tanba konsekuénsia husi Covid-19, númeru afetadu, tuir dadus Sentru Integradu Jestaun Krize, Sala Situasaun (CIGC, sigla portugés) mós maka’as inklui halakon ona vida hamutuk ema na’in 117. Haree ba konsekuénsia ne’e, entre autoridade governu sira, Ministériu Asuntu Parlamentár no Komunikasaun Sosiál (MAPKOMS) hetan fiar no hala’o mós knaar hodi halo kampaña imunizasaun kona-ba vasina.

Produsaun Tatoli I.P @2021

PUBLISIDADEiklan

HAKEREK NO HATÁN

Please enter your comment!
Please enter your name here