Aeroportu Internasionál Prezidente Nicolau Lobato, Comoro, Dili. Imajen/Aerosxl

DILI,01 outubru 2021 (TATOLI)-Sekretáriu Estadu Terras no Propriedade (SETP), Mario Ximenes hateten, Governu fó ona indemnizasaun ba família afetadu ba planu rekonstrusaun aeroportu internasionál Nicolau Lobato,Comoro,Dili.

Sekretáriu Estadu Terras no Propriedade, Mário Ximenes. Imajen Tatoli/Egas Cristovão

“Ita fó hotu indemnizasaun tuir presu ne’ebé termina ba família afetadu no hela uma-ka’in ida ka rua mak seidauk sai hosi fatin maibé hakarak ka lakohi lei númeru 8/2017 esproriasaun ba utilidade públiku fó kompeténsia ba Estadu atu hasai no rekuiñese sira-nia direitu,” Mario Ximenes hateten, ba jornalista no iha edifísiu Ministéiru Finansa,Aitarak Laran, sesta ne’e.

Governante ne’e la esplika númeru fiksu família hira mak fó ona indemnizasaun maibé maioria fó hotu ona hela família ida ka rua mak seidauk.

Nia dehan, Governu rezolve ona kona-ba prekupasaun família afetadu 130 hosi aldeia haat hanesan Beto-Tasi, Naroman, Anin Fuik no Loro-matan ne’ebé antes husi Governu liuhosi ekipa liña ministeriál atu esplika mapeamentu planu rekonstrusaun aeroportu tanba hosi númeru ne’e iha família 45% tama iha lista disputa kompostu hosi aldeia Beto Tasi iha 54 no aldeia Anin Fuik lima, ho totál rai ektare 11-resin.

Tuir dadus iha família 200-resin hosi suku Beto Tasi, Anin Fuik no Beto Naroman, suku Comoro,postu administrativu Don Aleixo, munisípiu Dili mak sei hetan indemnizasaun.

Notísia relevante:MOP Prosesa Indemnizasaun ba Abitante Afetada Projetu Estrada Tasi-Tolu to’o Comoro

Jornalista:Nelson de Sousa

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here