Tabela klasifikasaun. Imajen//Pra Liga Futsal Timor

DILI, 01 outubru 2021 (TATOLI) – Ekipa Bermeta FC susesu hadau pontu tolu (3) hosi nia adversariu Crazy Horse FC maibé ho rezultadu golu “mihis” 5-4.

Jogu ne’e hanesan jornada 12 Pra Liga Futsal Timor–Leste ne’ebé halao iha kampu futsal FALINTIL-Forsa Defefeza Timor – Leste (F-FDTL) Fatuhada Dili, sesta kalan ne’e.

Iha jogu ne’e ekipa rua halo funu boot iha kampu laran atu hadau-malu se los mak atu hetan pontu tolu hodi hakat ba oin iha Pra Liga ne’e, maibé iha funu ne’e ekipa Bermeta forte liu uitoan de’it ekipa Crazy Horse.

Tanba ne’e ikusmai vitória obrigadu tenke monu ba Bermeta nia liman liuhosi kontribuisaun golu ne’ebé oferese hosi jogadór sira mak hanesan, Bendito Ramos iha minute, ’16, ’29, ’30, ’37, Fernado Ximenes ’38.

Enkuantu golu hosi, Crazy Horse rekolla hosi jogadór Dion Alves iha minutu ’10, Armindo Gusmão ’21, ’36, no Geovanio Mendonça ’32.

Hosi rezultadu ne’e Bermeta mak iha direitu absoluta hodi sai vitória no Crazy Horse  obrigadu tenke lakon.

Jornalista: Hortencio Sanchez

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here