PFMO kapasita dirijente PSIK, CAC no IJE na’in 17. Imajen PFMO

DILI, 30 setembru 2021 (TATOLI)-Public Financial Management and Oversight (PFMO) ‘osan povu nian, jere ho di’ak’ realiza formasaun kona-bá ‘Jestaun Ekipa ba Xefia no Dirijente’ hamutuk na’in 17 mai hosi Polísia Sientífiku Investigasaun Kriminál (PSIK), Inspesaun Jerál Estadu (IJE) no Komisaun Anti-Korrupsaun (CAC, sígla portugés).

Formasaun ne’e hala’o iha munisípiu Baucau hahú hosi 29 setembru to’o 01 outubru ho totál oras 15, atu fó kapasitasaun ba kargu xefia intermédiu iha domíniu jestaun ba ekipa-sira hosi investigasaun kriminál, elaborasaun ba jestaun estratéjiku, ninia misaun, planeamentu, definisaun ba objetivu-sira, tomada desizaun, jestaun ba konflitu, kontrolu, debriefing, avaliasaun ba rezultadu sira no dezempeñu individuál.

Notísia relevante:PFMO kontinua formasaun ba auditór Kámara Konta

“Entre tópiku, sira mak sei fó-sai iha kursu ida-ne’e, fó destake ba sira tuir-mai, prosesu ba tomada desizaun, motivasaun, lideransa no avaliasaun dezempeñu,” haktuir nota komunikadu ne’ebé Agência Tatoli asesu, kinta ne’e.

PFMO komponente 2 Uniaun Europeia no Camões, I.P, asina iha loron 04 agostu 2017, ba implementasaun komponente 2 hosi parseria ba melloria prestasaun ba serbisu-sira hosi reforsu ba Jestaun no Supervizaun ba Finansa Públika iha Timor-Leste, iha ámbitu konvensaun finansiamentu omónimu selebradu entre Uniaun Europeia no Repúblika Demokrátika Timor-Leste.

PFMO inklui komponente rua, dirijidu ba apoiu no reforsu ba sistema pesu no kontrapesu hosi autór estatál-sira no la-estatál, ba fortalesimentu partisipasaun hosi entidade nasionál iha prosesu tomada de desizaun no supervizaun ba finansa públika, ho vizaun ba melloria prestasaun serbisu públiku.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here