Pesoál saúde tun direta ba Eskola Sekundáriu Katólika Santo Estevão Viqueque, hodi oferese vasina AstraZeneca ba estudante na'in 15 doze daruak, kinta (30/09/21). Imajen Tatoli/Vitorino Lopes da Costa.

VIQUEQUE, 30 setembru 2021 (TATOLI)—Pesoál saúde tun direta ba Eskola Sekundáriu Katólika Santo Estevão Viqueque, hodi oferese vasina AstraZeneca ba estudante na’in 15 doze daruak.

“Dadus iha sentru saúde númeru vasina estudante menus liu, tanba ne’e mak sira mai direta,” Diretór eskola, Martinho Mariano Amaral hateten ba jornalista iha Viqueque Vila, kinta ne’e.

Notísia relevante:Profesór 84% iha Baucau simu ona vasina

Estudante na’in 15 ne’ebé ohin simu vasina AstraZeneca, ho idade 18 ba leten no maioria hosi eskola simu ona vasina.

Nune’e mós Diretór Serbisu Edukasaun munisípiu Viqueque, Emídio Amaral, hateten koordenasaun ho parte serbisu saúde, ohin mai direta iha eskola Santo Estevão no aban ba fali eskola seluk, tanba estudade hosi idade 18 ba leten tenke simu vasina hodi bele tuir aula prezensiál.

Nune’e mós Diretór Serbisu Saúde munisípiu, Francisco de Carvalho, haktuir  vasina ba estudante-sira hosi idade 18 ba leten nafatin uza vasina AstraZeneca.

Nune’e nia enkoraza estudante sira ne’ebé seidauk simu vasina atu bele hakbesik aan hodi simu tanba bele salva an hosi transmisaun COVID-19.

Tuir dadus, profesór-sira hosi munisípiu Viqueque hamutuk na’in 1.458 mak simu ona vasina.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here