SEPS Munisípiu Covalima, distribui materiál konstrusaun bá família vítima dezastre naturál iha Munisípiu Covalima, tersa (13/07/2021). Imajen Tatoli/Celestina Teles

COVALIMA, 29 Setembro 2021 (TATOLI)—Servisu Protesaun Sivil (SPS) Covalima seidauk finaliza distribui materiál konstrusaun ba amília vítima dezastre naturál hamutuk 43 iha munisípiu Covalima. 

Notísia Relevante: SEPS distribui materiál konstrusaun bá vítima dezastre naturál

“Atu distribui materiál konstrusaun hamutuk ho osan pakote ida maibé ita seidauk finaliza. Iha Covalima, família vítima 43 maibé data tentativa pagamentu orsamentu ba aí kuadradu to’o ohin loron seidauk iha informasaun,” Koordenadór Protesaun Sivil Covalima, Dinis Pereira, informa ba Agência Tatoli iha Santa Rosa, Covalima, kuarta ne’e. 

Tipu dezatre naturál ne’ebé akontese iha covalima mak anin sobu uma, inundasaun, rai halai no ahi han uma, entaun protesaun sivil fó apoiu ba faze dahuluk finaliza ona maibé seidauk distribui materiál konstrusaun no apoiu orsamentu ne’ebé sei haree ba kondisaun dezastre naturál, hanesan komunidade nia uma aat total sei simu osan $3,68.00 no uma aat kman ne’e $150.00 

Oras ne’e daudauk materiál konstrusaun sira sei iha nasionál no seidauk transporta mai iha munisípiu Covalima hodi halo distribuisaun ba família vítima dezastre naturál. 

“Ami simu ona lista benefísiáriu no hato’o ona planu maibé tenke hetan aprovasaun hosi ministériu finansa hafoin ita halo distribuisaun no halo pagamentu,” nia dehan.

Vítima dezastre naturál hamutuk na’in 43 ne’e, mai hosi postu administrativu Suai Vila, Tilomar Fohorem, Fatumea, Maucatar no Zumalai. 

Jornalista : Celestina Teles

Editór       : Francisco Simões

HAKEREK NO HATÁN

Please enter your comment!
Please enter your name here