iklan

COVALIMA

SMAS Covalima sei apoiu kaixaun ba família matebian kbiit laek

SMAS Covalima sei apoiu kaixaun ba família matebian kbiit laek

Diretór Servisu Asuntu Sosiál Covalima, Abrão Nascimento. Imajen TATOLI/Celestina Teles

COVALIMA, 29 setembru 2021 (TATOLI)—Sevisu Munisípiu Asaun Sosiál (SMAS) disemina informasaun kona-bá sira-nia papel ba autoridade lokal no membru konsellu suku iha suku Suai Loro, postu administrativu Suai Vila, munisípiu Covalima 

Diretòr Servisu Munisípio Asaun Sosiál, Abrão Nascimento, hateten papel SMAS halo atendementu hodi transporta mate-isin sira hosi Suai Vila ba postu administrativu sira no mós apoiu kaixaun ba matebian família kbiit la’ek sira.

Notísia Relevante: Servisu Sosiál Covalima apoia kaixaun 82 ba família matebian vulnerável

“Orsamentu tinan 2022 ita iha ona planu no halo ona kontaktu ho administradór Munisípiu, ita presiza kontra kompañia atu transporta kaixaun ba matebian sira-nia uma. Durante ne’e Governu apoiu de’it kaixaun maibe kona-bá transporte atu transporta kaixaun família sira mak buka transporte,” Abrão Nascimento hateten bainhira sensibiliza sira-nia papel iha suku Suai Loro, kuarta ne’e. 

Xefi aldeia Mane ikun, Suku Suai Loro, Santina de Jesus, hateten durante Sevisu Munisípiu Asaun Sosial (SMAS) halo atendimentu hodi transporta mate-isin no mos apoiu kaixaun ne’e, atu kontrola kondisaun no halo manutensaun ba Carro Funeráriu, nune’e bainhira atu transporta mate-isin no apoiu kaixaun gratuita maibe laiha transporte atu tula kaixaun ba matebian nia uma.

Santina sujere ba SMAS atu buka solusaun ba problema ne’ebè durante ne’e enfrenta, se bele Governu tenke prepara transporte atu lori kaixaun no mate-isin ba matebian sira-nia uma. 

Tuir dadus, iha fulan-setembru ne’e Sevisu Munisípiu Asaun Sosiál apoiu ona kaixaun hamutuk 57 hosi númeru kaixaun tolu utiliza hodi haloot mate-ruin. 

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!