Imagem google

DILI, 29 setembru 2021 (TATOLI)—Jogu kontinuasaun Prá Liga Futeból Timor–Leste ba jornada 12 ne’ebé hala’o iha kampu futsál FALINTIL-Forsa Defeza Timor–Leste (F-FDTL) Fatuhada, Dili, entre ekipa Maudoko FC ho Mushila FC rezultadu 0-0.

Jogu entre ekipa rua ho ritmu no forsa ne’ebé hanesan ikus mai la rezulta golu ruma, tanba idaidak luta hodi defende aan tuir téknika ida-idak nian.

Notísia relevante:Santa Cruz FC halakon Gamer FC 5-1

Jogadór Maudoko FC lansa sutu bola barak ba rede Mushila FC, maibé sutu hirak-ne’e la kona iha alvu.

Enkuantu ekipa Mushila FC joga ho ofensivu, maibé susar mós atu rezulta golu ruma tanba jogadór-sira hosi Maudoko tenta hamate tutuir bola ne’ebé Mushila lansa, to’o jogu primeira parte termina, rezultadu 0-0.

Hakat ba jogu segunda parte, ekipa rua nafatin hakas an, maibé kontinua laiha mudansa to’o jogu termina, rezultadu hela ho 0:0 no obrigadu ekipa rua tenke fahe pontu hanesan 1-1.

Jornalista: Hortencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here