Diretór Jerál Administrasaun Finansa MOP, Januário Patrício Barbosa, asina karta aseitasaun ho empreza vensedór, iha salaun Konsellu Veteranu, Aileu, segunda (27/09). Imajen/MOP

DILI, 29 setembru 2021 (TATOLI)— Ministériu Obra públika (MOP) liuhosi Diretór Jerál Administrasaun Finansa, Januáriu Patrício Barbosa, asina ona karta aseitasaun ho kompañia  vensedór na’in-26 ba projetu reabilitasaun rutina no períodika estrada rurál ba dezenvolvimentu iha Aileu no Liquiçá.

Iha loron 27 setembru, Ministru Obra Públika, Salvador Eugênio Soares dos Reis Pires hamutuk ho Embaixadór Austrália iha Timor-Leste, Peter Roberts, sai sasin ba selebrasaun akordu aseitasaun ho kompañia 26, ne’ebé iha Aileu iha neen no Liquiçá iha 20.

Reabilitasaun períodika no rutina ba estrada rurál iha munisípiu rua ne’e ho naruk hamutuk kilómetru 65, ho durasaun serbisu tinan-ida, hahú hosi 2021 to’o 2022.

Notísia relevante: MOP selebra aseitasaun ho empreza vensedór 26 projetu estrada rurál

Kompañia neen ne’ebé toma konta ba projetu melloramentu estrada rurál iha munisípiu Aileu, iha suku Daisoli bá Fatubosa ho naruk kilómetru (0+000 – 7+300), hala’o hosi kompañia Aileu ba Oin Unip,Lda ho kustu $89.575,77, projetu melloramentu estrada rurál hosi Fahisoi bá Dairlouta (0+000 – 5+000), hala’o hosi kompañia Raco,Lda, ho kustu $72.387,33, projetu manutensaun rutina estrada rurál hosi Laulara to’o Ornai (0+000 – 8+000) no Acumau to’o Aicorema (0+000 – 2+000), ne’ebé kaer hosi  kompañia  Emmanuel Milenial Unip,Lda, ho kustu  $40.501,44.

Nune’e mós, projetu melloramentu estrada rurál hosi Kirlelo ba Laclo ho naruk kilómetru (0+000 – 11+300), hala’o hosi kompañia Fikikay Unip.Lda, ho kustu $339.829,64, projetu melloramentu estrada rurál hosi Fahisoi to’o Fadabloku (0+000 – 9+000), hala’o hosi kompañia  Blackbirld Unip.Lda, ho kustu $186.084,05 no projetu melloramentu estrada rurál hosi Namalesu-Faturilau (0+000 – 9+000), hala’o hosi kompañia  LNG,Unip.Lda, ho montante orsamentu $411.620,44.

Kona-ba projetu reabilitasaun iha munisípiu Liquiçá hanesan projetu melloramentu estrada rurál hosi Nunulete to’o Darulema ho naruk kilómetru (0+000 – 2+000),  kaer hosi kompañia  Rito-Pu Unip.Lda, ho kustu $67.382,23,  projetu manutensaun rutina estrada rurál hosi Metagou to’o Bazartete (0+000 – 10+000), kaer hosi kompañia  Craeleki Bercoli Unip.Lda, ho kustu $62.024,04, no projetu melloramentu estrada rurál hosi Libaloa to’o Fahilebo (0+000 – 7+000), hosi kompañia  Hatuleo Unip.Lda, ho kustu $88.425,80.

Projetu melloramentu estrada rurál hosi suku Gunaba to’o suku Lukulai (0+000 – 2+000), hala’o hosi kompañia Craeleki Bercoli Unip.Lda, ho montante orsamentu $76.423,05, projetu melloramentu estrada rurál hosi suku Fahilebo to’o Fatumasi (0+000 – 2+300), hala’o hosi kompañia  Hatumeta Oan Unip.Lda, ho montante orsamentu $88.857,44.

Projetu melloramentu estrada rurál hosi Berlakulidu to’o Laberlaka (0+000 – 2+500), kaer hosi kompañia Goubara Unip.Lda, ho kustu $131.219,62, projetu melloramentu estrada rurál hosi suku Berlakulidu to’o suku Laberlaka (2+500 – 5+400), hala’o hosi kompañia  Claridade Unip.Lda, ho kustu $167.071,89 no projetu melloramentu estrada rurál hosi Barkau (Vaviquenia)  to’o Maubaralisa (0+000 – 4+200), hala’o hosi kompañia  Nheu Unip.Lda, ho kustu $173.484,62.

Projetu melloramentu estrada rurál hosi Barkau (Vaviquenia) to’o Maubaralisa (4+200 – 8+400), hala’o melloramentu husi kompañia Luliana Unip. Lda, ho montante orsamentu $213.930.25, projetu melloramentu estrada rurál hosi Barkau (Vaviquenia) – Maubaralisa (8+400 – 12+500), hala’o melloramentu hosi kompañia Meta Loe Crae Bau,Lda, ho kustu $198,698.25.

Projetu melloramentu estrada rurál hosi Fahilebo to’o Bucumera (0+000 – 3+000), hala’o melloramentu hosi kompañia Hutumeta Oan Unip.Lda, ho montante orsamentu $149.732,87, no projetu melloramentu estrada rurál husi Fahilebo to’o Bucumera (3+000 – 6+500),  kaer hosi kompañia TM.Caileba, Lda, ho montante orsamentu $158.465,33.

Projetu melloramentu estrada rurál hosi suku Malaisera to’o suku Lissadila (0+000 – 4+800), kaer hosi kompañia Murak Unip.Lda,  ho kustu $153.049,65, projetu melloramentu estrada rurál husi Malaisera-Lisadila (4+800 – 9+600), hala’o hosi kompañia Malibo Unip.Lda, ho kustu $152.622,90 no projetu melloramentu estrada rurál hosi suku Aibenu, Asumanu to’o Leurema (0+000 – 5+000), kaer hosi kompañia Vicaroman, Unip.Lda, ho kustu orsamentu $165.363,43.

Projetu melloramentu estrada rurál husi Aibenu-Asumau to’o Leurema (5+000 – 10+000), hosi kompañia Caiulu,Unip.Lda, ho kustu $162.215,27, projetu melloramentu estrada rurál hosi Taltabi bá Kutulau (0+000 – 1+700), kaer hosi kompañia Prudencia Const,Unip.Lda, ho kustu $123.631,72 no projetu melloramentu estrada rurál hosi Samarapo to’o Gisu (0+000 – 2+000), hosi kompañia Nazico Unip.Lda, ho kustu $114.789,50.

Projetu melloramentu estrada rurál hosi Metagou to’o Aibeno (0+000 – 7+600), hala’o hosi kompañia Metalika, Unip.Lda ho kustu $238.739,71 no projetu melloramentu estrada rurál hosi Dato to’o Loidahar (0+000 – 12+300), kaer hosi kompañia Luqueli Oan Unip.Lda, ho kustu $188.589,13.

Entretantu, Ministru Salvador husu ba kompañia vensedór sira atu ezekuta projetu ho resposabilidade atu garante kualidade obra sira, nune’e iha sustentabilidade atu garante konetividade via terrestre hodi fasilita dezenvolvimentu ekonómiku.

Jornalista : Florêncio Miranda Ximenes

Editora      : Julia Chatarina

HAKEREK NO HATÁN

Please enter your comment!
Please enter your name here