Dezeñu investimentu turíztiku iha área Tasi-tolu hosi Pelican Paradise. Imajen/espesiál

DILI, 29 setembru 2021 (TATOLI)—Ministru Koordenadór Asuntu Ekonómiku, Joaquim Amaral no Diretór Ezekutivu Ajénsia Promosaun Investimentu, TradeInvest Timor-Leste, Arcanjo da Silva, aprezenta projetu rezolusaun iha reuniaun Konsellu Ministru (KM), ne’ebé aprova projetu investimentu Pelican Paradise Group. 

Proposta ne’e inklui mós ho minuta akordu investimentu espesiál, ne’ebé sei selebra entre parte rua.

“Projetu ne’e prevee investimentu ho millaun $700 atu dezenvolve komplexu turístiku ida,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Notísia relevante: MKAE avalia hela proposta akordu investimentu ho Pelican Paradise

Projetu ne’e sei dezenvolve iha área ho luan ektare 558, iha zona entre Tasi tolu no Tibar, ne’ebé inklui unidade otelaria, kampu golf ida, lote rezidensiál, sentru dezenvolvimentu ba joven sira, eskola internasionál ida, ospitál internasionál  ida no sentru komersiál sira.

Komplexu turístiku ne’e, iha faze kriasaun, ne’ebé sei kria postu traballu besik 750 no postu traballu 1.300 permanente hafoin finaliza nia konstrusaun.

“Prevee mós  katak 80% hosi área projetu sei halo reflorestasaun no restaurasaun ba flora no fauna,” Portavóz Governu informa.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here