Kapa Kodigu Sivíl. Imajen/Espesiál

DILI, 29 setembru 2021 (TATOLI)–Governu liuhosi reuniaun Konsellu Ministru (KM) aprova Projetu Proposta Lei, atu aprova Kódigu Rejistu Sivil,  ne’ebé aprezenta hosi Ministru Justisa, Manuel Cárceres da Costa.

“Nune’e, ho projetu ne’e atu kria prosedimentu ne’ebé nesesáriu ba rejistu moris, perfillasaun, kazamentu no óbitu, atu nune’e bele kumpre direitu, liberdade no garantia sira ne’ebé konsta iha Konstituisaun Repúblika Demokrátika Timor-Leste,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu iha Palásiu Governu, kuarta ne’e.

Proposta Lei ne’e, atu fó enkuadramentu legál hodi bele halo rejistu iha sistema informátiku no atu fó kuadru normativu ida ba servisu rejistu sivil, nune’e bele prienxe lakuna sira ne’ebé iha no atu fornese instrumentu regulatóriu hosi prosedimentu nesesáriu sira hodi ezekuta aktu rejistu kona-ba estadu no individuál sira-nia kapasidade.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here