Administradór munisípiu Viqueque, Januário Soares ‘Bolly’. Imajen Tatoli/ Vitorino Lopes da Costa.

VIQUEQUE, 29 setembru 2021 (TATOLI)—Administradór Munisípiu Viqueque, Januário Soares, distribui ona formuláriu ba xefe aldeia-sira atu kada semana rua, tenki hatama relatóriu kona-bá ema mate (óbitu), iha kada aldeia ba parte administrasaun.

“Ha’u orienta ona xefe aldeia-sira, atu kada semana rua hatama relatóriu kona-bá númeru ema mate iha aldeia,” Januário Soares Bolly, informa ba jornalista iha administrasaun Viqueque, kuarta ne’e.

Notísia relevante:MTK-MKAE lansa kampaña nasionál vasina iha Viqueque

Hosi relatóriu ne’ebé autoridade lokál-sira aprezenta mak bele halo análiza hodi hatene  motive loloos kona-bá ema mate.

Iha fatin seluk, administradór postu administrativu Viqueque Villa, António Gregório, deklara nia parte simu ona formuláriu no haruka ona ba xefe aldeia-sira hodi prienxe.

“Formatu ha’u simu no asina ona hodi distribui ba xefe aldeia-sira,” António hateten.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here