Osan Dollar Amerikanu. Imajen/Espesiál

DILI, 28 setembru 2021 (TATOLI)-Tuir relatóriu ezekusaun orsamentu jerál estadu 2021 nian fó sai munisípiu Ainaro sei ezekuta tan millaun $ ida-resin durante fulan tolu ikus hodi atinje pursentu 100 husi totál ezekusaun orsamentu hamutuk millaun $3.407.826.00.

Administradór Munisípiu Ainaro, Leovigildo Amaral Pereira hateten rezultadu ezekusaun OJE husi fulan-janeiru to’o setembru ne’e hamutuk $1.999.909.91 ho ninia persentajen hamutuk 68.98%.

“Kona-ba ezekusaun OJE 2021 haruka mai munisípiu Ainaro hamutuk $ 3.407.826.00 ne’ebé hahú hosi janeiru to’o mai loron ohin, ita ezekuta $1.999.909.91 ninia persentajen mak 60,98,  ba kategória saláriu no vensimentu, bem servisu, transferénsia públika, kapitál menór no Kapitál dezenvolvimentu,” nia relata ba Agência TATOLI via telefónika tersa ne’e.

Husi totál ezekusaun $1.999.909.91 fahe ba bem servisu $ 424,158.74, saláriu no vensimentu $538.402.17, transferénsia públika $763,566, kapitál menór $79.371.

“Nune’e kapitál dezenvolvimentu $176.412 hosi progresu ita atinje ona 100% tanba ita kontratu hotu ba kompañia ba projetu tolu hanesan halo edifísiu foun Administrasaun Ainaro-Vila, no Hatu-Udo no re-abilitasaun ba administrasaun tuan ida, ne’ebé daudaun ne’e konstrusaun ba edifísiu hahú la’o ona,” nia dehan.

Jornalista: Arminda Fonseca

Editór: Agapito dos Santos

HAKEREK NO HATÁN

Please enter your comment!
Please enter your name here