Imagem google

DILI, 28 setembru 2021 (TATOLI) – Ekipa M-VDL halo Academica FC hela ho rezultadu lakon alias golu 4-3, jogu ne’e realiza iha períodu jornada Pra Liga Futsal Timor-Leste iha kampu futsal FALINTIL-Forsa Defeza Timor – Leste (FFDTL), iha Fatuhada.

M-VDL iha direitu absoluta atu sai vensedór tanba liki kosar hafoin hetan oportunidade golu ne’e akontese hosi esforsu jogadór na’in lima (5) nian iha kampu laran.

Academica obrigadu tenke derrota maske ho golu ne’ebé menus ida kompara ho M-VDL ho oportunidade golu ne’ebé liu de’it ida, maske nune’e, esforsu tomak hosi klube rua ne’e hatudu atu aumenta golu maibé defesa sira la fó fatin ba malu.

Vitória hosi M-VDL rezulta tanba produz hosi jogadór, Francisco Oliveira iha menutu 17, Asevedo dos Santos iha menutu 23, Jandivio Reis iha menutu 36 no Marcio Soares iha 37.

Enkuantu golu Academica nian hatama hosi jogadór Rene Escurial ’10, ’39 no Julião Gomes ’11.

Hosi rezultadu ne’e M-VDL konsege hadau pontu tolu hosi jogu ne’e no Academica obrigadu tenke hela ho zero hodi hein fali jogu tuir mai.

Jornalista: Hortencio Sanchez

Editór : Zezito Silva

HAKEREK NO HATÁN

Please enter your comment!
Please enter your name here