Komunidade hamoos balete tuir programa Mão de Obra. Imajen Tatoli/Celestina Teles

COVALIMA, 28 setembru 2021 (TATOLI)—Administradór Munisípiu Covalima, Francisco de Andrade informa, implementasaun programa mão de obra iha Munisípiu Covalima ba faze dahuluk finaliza ona no faze daruak besik atu finaliza tan ona.

Notísia Relevante: Programa Mão de Obra hahú ona faze daruak iha Covalima

“Programa mão de obra ba faze daruak, ha’u labele informa implementasaun pursentu hira, maibé besik atu finaliza ona,” Francisco de Andrade informa ba Agência Tatoli iha nia kna’ar fatin, tersa ne’e. 

Hafoin implementa programa mão de obra, ajénsia fiskalizasaun munisípiu sei halo fiskalizasaun hodi fiskaliza obra sira-ne’ebé postu administrativu sira implementa, tanba postu administrativu sira implementa programa hirak ne’e bazea ba planu hosi postu administrativu sira.  

“Daudaun ne’e, ekipa fiskalizasaun munisípiu finaliza ona fiskalizasaun ba implementasaun programa mão de obra iha Postu Administrativu Fatululik no Fohorem,” nia informa. 

Bazea ba rezultadu hosi ekipa fiskalizaun munisípiu ne’e hatudu katak, implementasaun programa mão de obra iha Postu Administrativu rua ne’e tuir duni planu ne’ebè aprezenta ba iha administratusaun munisípiu Covalima. 

Pograma mão de obra faze dahuluk finaliza ona ne’ebé foku liu ba hadi’a estrada, hamoos baleta, kuda ai-funan no mós harii jardín iha edifísiu postu administrativu sira-ne’ebé orsamentu mai hosi Orsamentu Jerál Estadu 2021 ba kada postu administrativu ho montante $50,000.00. 

Notísia Relevante: Implementasaun Programa Mão de Obra atinje 75%

Jornalista : Celestina Teles

Editór       : Cancio Ximenes

HAKEREK NO HATÁN

Please enter your comment!
Please enter your name here