Formandu Sentru Treinamentu Vokasionál Juventude (STVJ, sigla portugés) Gleno, iha área hortikultura hala’o hela prátika. Imajen/Espesiál.

DILI, 28 setembru 2021 (TATOLI)—Diretór Sentru Formasaun Institutu Matadalan Integradu (IMI), Joaquim Exposto, informa Sentru Formasaun Institutu Matadalan Integradu (IMI) finaliza ona atividade formasaun movel iha Munisípiu Ermera.

Notísia Relevante: Semana oin, IMI halo abertura formasaun movel iha Ermera

“Aminia formasaun movél ne’e ami hahú tiha ona iha 20 to’o 25 setembru no atividade formasaun movel ne’e ami finaliza ona ba iha suku tolu ne’e,” Joaquim Exposto, hateten ba Agência Tatoli, via telefónika, tersa ne’e.

Planu ba oin, sentru ne’e sei kontinua ho formasaun prátika ba halo adubu orgániku no mós lori formandu sira ba halo estudu komparativu.

“Ami sei halo koordenasaun ka identifikasaun ba grupu benefisiáriu ne’ebé avansadu no modernu, atu ami lori grupu benefisiáriu sira ba hodi halo estudu komparativu, atu nune’e sira bele ba aplika filafali iha sirania atividade produsaun nian,” nia dehan.

Daudaun ne’e sei iha faze preparasaun no identifikasaun ba grupu sira-ne’ebé mak sei ba halo estudu komparativu, no tuir planu sei hahú iha fulan outubru hodi halo estudu komparativu oinsá halo adubu orgániku nian.

Entretantu, totál benefisiáriu hamutuk 45 ne”e mai hosi suku tolu mak suku Dukurai ne’ebé lokalizada iha Postu Administrativu Letefoho no iha munisípiu Ermera mak suku Riheu no Humboe, hodi aprende konabá produsaun hortikultura.

Notísia Relevante: IMI fó formasaun movel ba negosiante 45 iha Ermera

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here