Adjuntu Sekretáriu Jerál Federasaun Futeból Timor-Leste (FFTL), Frederico Martins

DILI, 28 setembru 2021 (TATOLI)—Federasaun Futeból Timor–Leste (FFTL), loke hikas treinamentu ba selesaun nasionál U-15 iha (27/09).

Reativasaun ne’e, tanba númeru infetadu COVID-19 iha Dili menus ona no eskola-sira hahú re-ativa aula prezensiál.

Notísia relevante:2021, FIFA ho AFC redús apoiu orsamentu ba FFTL

“Durante períudu pandemia COVID-19, treinamentu ba selesaun nasionál U-15 paradu totál, nune’e fó impaktu la di’ak ba jogadór sira bainhira deskansa kle’ur,” Adjuntu Sekretáriu Jerál FFTL, Frederico Martins, hateten ba jornalista iha edifísiu FFTL, Dili tersa ne’e.

FFTL tenke reativa duni treinamentu, atu bele prepara diak liu tan selesaun nasionál-sira hodi bele partisipa iha kompetisaun sira iha tinan oin.

Treinamentu ba jogadór mane hirak-ne’e hala’o iha kampu FFTL, hahú segunda to’o sesta iha tuku 14:30 to’o 16:30 akompaña hosi treinadór estranjeiru Kim Shinhwan.

Jogadór ne’ebé dadaun-ne’e hala’o hela treinamentu hamutuk na’in 30, kompostu hosi jogadór na’in 26, guarda rede na’in haat (4).

Kona-bá fasilidade durante treinamentu, FFTL fasilita hela no laiha difikuldade.

Jornalista: Hrotencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here