Pesoál saúde sira prepara ekipamentu médiku bainhira halo atendementu Vasina AstraZeneca ba komunidade iha sentru saúde Comoro, segunda (13/9/2021). Imajen Tatoli/Antonio Gonçalves.

OÉ-CUSSE, 28 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), tersa ne’e rejista kazu pozitivu foun na’in-rua (2), ativu 24 no rekoperadu 288.

“Ohin, ita rejista kazu pozitivu foun rua, kazu ativu ka baixa hela iha sala izolamentu hamutuk 24 no rekopera ona hosi izolamentu hamutuk 288,” Manuel da Costa ba informa Agênsia Tatoli iha Sikluli, Oé-Cusse, tersa ne’e.

Kazu pozitivu 24 ne’e, daudaun ne’e kumpre hela iha sala izolamentu hanesan iha izolamentu Kliníka Kurasaun na’in-ualu (8) no iha izolamentu Kitahara Mahata hamutuk na’in-16.

Daudaun ne’e pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 29, kuarentena Sakato na’in-rua (2), uma Dra.Catarina Anunu ida (1), kuarentena Eskola ETARO Masin 23, auto-izolamentu Fulolo rua (2) auto-kuarentena residensia Mateus Sufa na’in-ida (1), auto-kuarentena Veronika Oématan na’in-ida (1).

Tuir dadus, hosi 23 marsu 2020 to’o 28 setembru 2021, totál dadus komulativu kazu konfirmadu hamutuk 313, hasai teste-swab 350, númeru RDT swab 193, komulativu teste-swab 3.664, komulativu rezultadu negativu 3.430.

Dadus pasajeiru ne’ebé kumpre kuarentena obrigatóriu 1.726, auto-kuarentena 305 totál hamutuk 2.031 no pasa ona loron-14 hamutuk 1.963 no rejista óbitu ida.

Tanba ne’’e, dirijente saúde ne’e apela ba komunidade sira iha RAEOA atu hakbesik-an ba fasilidade saúde ne’ebé besik, nune’e bele simu vasina hodi hamutuk prevene-aan hosi moras COVID-19 iha Oé-Cusse.

Nia husu atu mantein no kumpre regra prevensauun COVID-19 hosi Organizasauan Mundiál Saúde no Ministériu Saúde, ne’ebé orienta fase liman bebeik ho sabaun, konitinua uza máskara maske vasina kompletu ona no distansiamentu sosiál.

Jornalista : Abílio Elo Nini

Editór      : Cancio Ximenes