Diretora CBTN-TL, Norberta Soares. Imajen Tatoli/Sérgio da Cruz.

BOBONARO, 28 setembru 2021 (TATOLI)—Organizasaun Community Based Rehablitation Network Timor-Leste (CBTN-TL sigla inglés), liuhosi programa Spoth light, realiza formasaun ba lider instituisaun Estadu sira, Oraganizasaun Naun Governamentál (ONG) lokál, líder komunitáriu, komunidade, iha postu administrativu, Maliana Munisipiu Bobonaro, atu haforsa abilidade hosdi asegura no prevene violénsia hasoru feto no labarik feto ho ema defisiénsia sira, hodi hetan tratamentu diak iha fatin hotu-hotu.

Formasaun ne’e realiza tanba CBTN-TL haree katak, feto no labarik feto inklui ema ho defisiénsia, seidauk hetan tratamentu di’ak, iha atendimentu públiku iha instituisaun Estadu, inklui komunidade iha munisípiu Bobonaro.

Notísia relevante:Fundasaun Ahisaun apoiu “Ema ho Defisiénsia” asesu ensinu superiór

“Durante ne’e feto no ema ho defisiénsia barak la hetan tratamentu di’ak tanba prestador serbisu-sira seidauk iha koñesimentu di’ak atu halo atendimentu ba ema ho defisiénia-sira. Entaun, hosi ida-ne’e mak fó impaktu ba ema defisiente-sira nia partisipasaun no involvimentu menus, tanba laiha fasilidade própriu,” Diretora CBTN-TL, Norberta Soares  informa ba Jornalista Tatoli, iha salaun administrasaun postu Maliana, tersa ne’e.

Diretora ne’e hateten, partisipasaun no involvimentu ema ho defisiénsia menus, tanba barreira hanesan, edifísiu públiku laiha espasu asesiblidade, abandona hosi família, diskriminasaun hosi ema normál, rekrutamentu ka konkursu públiku la fó importánsia ba ema ho defisiénsia, difísil asesu ba informasaun liu hosi meiu komunikasaun-sira hanesn televizaun, rádiu, jornál no seluk tan.

Iha Fatin hanesan, Xefe aldeia Tunubibi, Fernando Raul, konsidera formasaun ne’e bele hakb’it sira nia koñesimentu, hodi kontribui ba redusaun violénsia ba labarik feto no ema ho defisiénsia-sira no identifika potensialidade hosi ema defisiénsia.

Durante ne’e BCBRN-TL , serbisu hamutuk ho Asosiasaun halibur Defisiénsia Rejiaun Oeste (AHDRO), ONG lokál-sira, instituisaun Estadu hanesan MSSI munisipiu Bobonaro, Pontu fokál SEII ne’ebé hare ba violénsia bazeia ba jéneru, autoridade munisípiu no líder komunitária sira.

Atividade sira-ne’e realiza tanba hetan apoiu fundu hosi inisiativa Sopht Light, suporta hosi Uniaun Europeia, ONU Timor-Leste liu hosi UN Woman, hodi fortalese programa haforsa serbisu esensiál ba feto no labarik feto ho defisiénsia iha TL.

Programa ne’e mós implementa ona iha Munisípiu 12, inklui Rejiaun Administrativa Espesiál Oé-Cusse (RAEOA).

Tuir dadus sensu uma-ka’in 2015, totál ema ho defisiénsia iha Timor-Leste hamutuk 38.118, kompostu defisiénsia fízika, mentál no seluk tan.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here