Sekretáriu Jerál Karketu Dili FC, Elizeu Isaac. Imajen/Mídia FFTL

DILI, 27 setembru 2021 (TATOLI) – Sekretáriu Jerál Klube Primeira Divizaun Karketu Dili FC, Elizeu Isaac, hateten estrutura hosi klube ne´e halo ona desizaun koletiva atu partisipa iha liga época 2021.

“Ami iha ona desizaun, agora iha hela prosesu preparasaun hodi halo rekrutamentu ba jogadór no prepara-an ba liga tinan ne’e”, dehan Elizeu ba Tatoli iha Bairru Formosa, segunda ne’e.

Dadauk ne’e, responsável hosi klube  halo hela negosiasaun ba jogadór sira iha klube seluk balun maibé sei iha prosesu nia-laran.

“Ami tenta buka ona jogadór foun atu hamutuk ho ami, agora buka tan ida rua hodi halo kompleta. Atu hateten de’it katak ami preparadu atu partisipa duni jogu”, afrima.

Tanba ne’e, iha tempu besik Karketu sei submete dokumentu no lista jogadór nian ba Liga Futeból Timor – Leste (LFTL).

Dirijente ne´e rekorda katak jeralmente Klube Karketu prepara-an hela atu kompete iha Liga, no tasa 12 novembru, sei iha prosesu diskusaun.

Notisia relevante : Karketu prontu partisipa jogu tolu iha époka 2021

Jornalista: Hortencio Sanchez

Editor: Zezito Silva

HAKEREK NO HATÁN

Please enter your comment!
Please enter your name here