Eskola Sekundáriu Tékniku Vokasionál Bekora. Foto Tatoli

DILI, 27 setembru 2021 (TATOLI) – Ministériu Edukasaun Juventude no Desportu (MEJD) re-ativa eskola Sekundáriu Tékníku Vokasionál (TEKVOK) rua tanba profesores sira kompleta ona vasinasaun 90%.

Diretór Eskola Sekundáriu Tékniku Vokasionál Otelaria Turizmu (STVHT), Carles Fátima Guterres, hateten eskola ne’e hetan ona autorizasaun hosi MEJD hodi  re-ativa fali aula prezensiál tanba prinxe ona rekejitus padraun minimu.

“Ohin ita re-ativa ona aula prezensiál bá estudante sira. Tanba, ami iha profesores 36. Husi numeru ne’e  na’in 34 vasina ona hela de’it na’in rua mak seidauk, ho razaun ida ho moras komplikadu no ida inan oan nurak. Tanba, ami nia profesores sira  atinji ona vasina 96%,” dehan Diretór Carles bá ajénsia Tatoli iha eskola STVHT Bekora, segunda ne’e.

Notísia Relevante: MEJD autoriza eskola 99 iha Dili reativa aula prezensiál

Nune’e mós Diretór Eskola Sekundáriu Tékniku Vokasionál-Grupu Teknolojia Indústria (ESTV-GTI) Bekora, Francisco Guterres dehan hahu tersa (28/09) hahú ona aula prezensiál. Tanba ne’e, ohin (27/09) ami halo limpeza hodi prepara kondisaun bá estudante sira.

Francisco informa, eskola ESTV-GTI Bekora hetan autorizasaun hahú aula prezensiál tanba,  profesores sira iha eskola ne’e atinji ona vasina 91%.

Notísia Relevante: Eskola Tékniku Vokasionál Becora enfrenta menus profesór ho fasilidades

“Ami iha totál profesores 45, inklui adminstrasaun ida, seguransa na’in rua, ho nune’e total hamutuk ema na’in 48. Maibe na’in 45 vasina ona falta na’in tolu seidauk ho razaun rua moras komplikadu no ida inan oan nurak,” dehan Francisco.

Enkuantu Diretór eskola TEKVOK rua ne’e esplika katak durante Ministériu suspende atividade  aula prezensiál bá estudante sira iha Dili barak fila bá Munsípiu hodi prevene an hosi moras Covid-19. Estudante sira iha munisípiu barak seidauk fila maibe eskola pasa ona informasaun tuir grupu WA ne’ebé kria ona.

Entertantu materia aula prezensiál bá estudante sira, eskola prepara nafatin tuir modul ne’ebé iha. Ne’e duni estudante ne’ebé kompleta ona  modul, eskola sei realiza ezame bá sira. Maibe  estudante ne’ebé seidauk eskola sei fo modul bá sira.

”Tanba ami iha TEKVOK laiha ezame segundu periódu. Maibe, ami bazeia de’it bá modulár. Se mak hotu remata ona, bele partisipa ezame,” isplika Francisco.

Jornalista : Tomé Amado

Editóra      : Armandina Moniz  

HAKEREK NO HATÁN

Please enter your comment!
Please enter your name here