Jogadór DIT FC, kamizola Azul hadau malu hela bola ho KARKETU DILI FC bainhira joga iha Tasa 12 Novembru 2020, iha Estadiu Munisipál Dili, Tersa (18/11). Imajen Tatoli/António Gonçalves

DILI, 25 setembru 2021 (TATOLI) – Prezidente klube Primeira Divizaun Karketu Dili FC, Adilson Ribeiro hateten, seidauk iha desizaun serteza partisipa liga époka 2021 tanba parte klube seidauk tur hamutuk hodi deside.

“Ami tuir enkontru Karketu nia pozisaun la aseita atu jogu hala’o tinan ne’e, maibé ami hakruuk ba desizaun hotu klube sira foti ona, depois ami sei tur hamutuk ho jerente klube atu deside tuir kompetisaun ka lae, tanba Karketu klube sósiu mak hamriik to’o ohin loron,” Adilson  ba Agência Tatoli, foin lalais ne’e.

Razaun Karketu seidauk iha desizaun serteza la’ós tanba subsídiu maibé tanba tempu jogu ne’ebé badak tebes.

“Ami la kestiona subsídiu tanba ami moris la’ós tanba subsídiu, ami kestiona tempu ne’e ho tempu ida nune’e ita nia preparasaun la barak,” nia tenik. Maski nune’e, desizaun iha reuniaun klube sira deside ona jogu tenke ha’u iha tinan ne’e.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here