Oráriu jogu LFTL

DILI, 25 setembru 2021 (TATOLI) – Órgaun Liga Futeból Timor-Leste (LFTL) anunsia ona kalendáriu tentative ba jogu ne’ebé sei realiza outubru mai ne’e no termina iha dezembru 2021.

Tuir oráriu ne’ebé iha hahú 24 setembru to’o 07 outubru, LFTL loke inskrisaun ba klube sira ne’ebé atu partisipa iha jogu ne’e. Nune’e iha 09 outubru sei dada sorteiu ba klube sira hosi Primeira Divizaun no Segunda Divizaun.

Klube ne’ebé iha direitu absoluta hodi partisipa iha jogu ne’e hamutuk 20 kompostu hosi Primeira Divizaun no Segunda Divizaun.

Klube hosi Primeira Divizaun mak hanesan, AD SLB Laulara, Aitana FC, Assalam FC, Boavista FC Timor, DIT FC, AS Ponta Leste, Karketu Dili FC no Lalenok United FC.

Segunda Divizaun mak hanesan, Emenuel FC, AS Marca, Kablaki FC, Lika-Lika Lemorai FC, Academica FC, Atletico Ultramar, FIEL FC, Santa Cruz FC, FC Zebra, Nagardjo FC, Sporting Clubo de Timor no Porto Taibessi FC.

Oráriu ba jogu Primeira Divizaun hahú 04 novembru termina iha 19 dezembru. Segunda Divizaun sei hahú 12 outubru no termina iha 23 dezembru.

“Kalendáriu mak ne’e, segunda ita anunsia loos ona ba públiku,” diretór kompetisaun LFTL, Martino Ribeiro ba Agência via WhatsApp, sábadu ne’e.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here