Sekertáriu Estadu Jobentude no Desportu (SEJD), Abrão Saldanha. Imajen Tatoli/Francisco Sony

DILI, 24 setembru 2021 (TATOLI) – Sekretáriu Estadu Juventude no Desportu (SEJD), Abrão Saldanha hateten, daudauk ne’e Ajénsia Dezenvolvimentu Nasionál (ADN) halo hela verifikasaun ba konstrusaun reabilitasaun jináziu Dili ne’ebé atinje ona 95% atu halo pagamentu final ba kompañia Vicotria Unipesoal Lda.

“Jináziu ne’e to’o ona iha 95%, iha Covid- 19 ne’e mak halo buat hotu paradu tiha. Agora 95% ne’e iha ona ADN verifikasaun atu halo pagamentu tanba iha de’it konfuzaun entre kompañia Vicotria Unipesoal Lda ho fiskalizador sira, ne’e mak kompañia reklama valor liu, entaun kompañia la aseita ho fiskalizasaun ne’ebé mak iha entaun ita halo re-verifikasaun fila fali ba valor ne’ebé kompañia reklama ne’e valor ida ne’ebé mak aseita ita halo ona pagamentu,” Abrão Saldanha informa ba Agência Tatoli iha edifísiu SEJD, Dili, sesta ne’e.

Re-verifikasaun ne’ebé halo tanba kompañia husu fali adisionál ho montante $19,000.00, maibé ekipa halo fali verifikasaun  redús to’o $6,000.00, maibé kompañia la aseita.

“Kompañia hatama fali sira nia provas ho montante $16,000.00, agora iha hela ADN nia liman, se bainhira ADN aseita ho valor ne’ebé kompañia husu ita foin bele halo pagamentu,” nia dehan.

Prosesu konstrusaun ba Jináziu Dili hahú iha 2019 ho montante orsamentu hamutuk $412,595.61, konstrui hosi kompañia Vicotria Unipesoal Lda.

Jornalista   : Hrotencio Sanchez

Editór            : Francisco Simões

HAKEREK NO HATÁN

Please enter your comment!
Please enter your name here