Diretór Sentru Formasaun Jurídika no Judisiál (CFJJ - sigla Português), Antonino Gonçalves. Imajen Tatoli/Dok.

DILI, 24 setembru 2021 (TATOLI)—Sentru Formasaun Jurídika no Judisíaria (SFJJ), fó-sai ona lista kandidatu hamutuk na’in 28, ne’ebé pasa iha faze teste eskrita ba vaga atu partisipa formasaun sai juiz.

“Kandidatu admitidu publika ona no ita marka ona 30 setembru hodi bele tuir fali faze teste tuir-mai ba orál ho psikólogu. Bainhira rezultadu favorável maka sei tuir formasaun,” Diretór SFJJ, Antónino Gonçalves, hateten ba jornalista, sesta ne’e.

Notísia relevante:Semana oin, teste eskrita ba kandidatu formasaun juiz

Antes ne’e iha kandidatu 200-resin mak kompete iha teste eskrita, tanba valór la to’o, nune’e iha de’it 28 maka pasa.

Ekipa jurí rigór tebes ba prosesu konkursu vaga ne’e, hodi bele selesiona Timoroan  potensiál ne’ebé bele tuir formasaun.

Kona-bá vaga prokuradór no defensór nian, daudaun  iha prosesu reklamasaun no semana oin bele publika ona naran ne’ebé  pasa selesaun dokumentu iha jornál repúblika, hodi bele tuir faze eskrita.

Iha kandidatu prokuradór 276 ho defensór 269  mak hatama ona dokumentu hodi konkorre vaga ne’e.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here