EL-Matador sira halo konférensia Imprensa. Imajen Tatoli/Hortencio Sanchez

DILI, 24 setembru 2021 (TATOLI) – Prezidente Komisaun  ka Konselleiru EL-Matador, Juvinal Dias hateten, aban sábadu iha kampu Benfika, Colmera, Dili, EL-Matador Boxe Club sei realize ezibisaun hodi halibur osan uitoan atu partisipa iha eventu importante loron internasionál Boxe ne’ebé sei realiza outubru mai ne’e iha resintu Sekretáriu Estadu Juventude no Desportu (SEJD).

“EL-Matador hakarak organiza eventu Boxe, ho nune’e, ami realize hela jogu ezibisaun ho objetivu fundamental hanesan fundraising  ida atu hasoru eventu importante ida ne’ebé sei mosu iha outubru nia laran ne’e,” Juvinal Dias informa liuhosi konferénsia imprensa ne’ebé hal’ao iha Benfica, Colmera, Dili, sesta ne’e.

Ezibisaun ne’ebé mak sei hala’o iha jogu simples ne’ebé reprezenta hosi klube lima (5), Boxe nian mak hanesan EL-Matador, Asalaino, Abba, Benfica no Malinamok.

Hosi klube lima (5) ne’e atleta na’in 10 mak sei reprezenta sa’e ba halimar iha riin leten.

“Ezibisaun ida ne’e atu husu ema hotu nia apoiu ba eventu importante iha outubru nia laran. Fundraising ida ne’e sei halo ho tiketi $2,50 centavos too nivel VIP $20,00,”  nia hateten.

Ezibisaun ne’e la’ós Boxe de’it, maibé iha mós banda múzika timor-oan balu sei anima partisipante-sira. Banda hirak ne’e mak hanesan Galaxy, Klamar, Ulhamousic no DJ. Eventu ne’e sei hahú tuku 06:00 loraik otl too remata.

Jornalista   : Hortencio Sanchez

Editór            : Francisco Simões

HAKEREK NO HATÁN

Please enter your comment!
Please enter your name here