Diretór Aprovizionamentu SAMES, Francisco Borges. Imajen Tatoli/Felicidade Ximenes.

DILI, 23 setembru 2021 (TATOLI)—Serbisu Autónomu Medikamentu no Ekipamentus Saúde  (SAMES) prepara ona zelera ultra malirin hamutuk unidade haat atu asegura vasina Pfizer.

Zelera ultra malirin haat  ne’e kompleta kedan ho estabilizadór, ne’ebé sei hahú halo instalasaun iha semana ne’e nia laran.

Notísia relevante:SAMES prepara ona silindru oksijéniu 1.500 ba izolamentu sira

“Zelera malirin ne’e presiza duni kondisaun di’ak no tenke garante funsionamentu bainhira halo ona instalasaun, presija mós halo teste no treinamentu ba  pesoál sira  ne’ebé atu halo manutensaun,” Diretór Aprovizionamentu SAMES, Francisco Borges, hateten ba jornalista iha Kampung Alor, kinta ne’e.

Tuir Ministériu Saúde nia haree katak, lojistikamente kona-bá armazén, Timor-Leste preparadu atu asegura vasina Pfizer ne’ebé oferese hosi COVAX facility.

Notísia relevante:TL sei simu doasaun vasina Pfizer doze 100.620

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here