Prezidente ARKTL, Prezado Ximenes atribui sertifikadu ba estudante sira ne'ebé tuir ona formasaun jornalizmu báziku. Imajen Tatoli/Celestina Teles

COVALIMA, 23 setembru 2021 (TATOLI) – Rádiu Komunidade Cova (RCC, sigla portugés)  Taroman hamutuk ho Asosiasaun Rádiu Komunidade Timor-Leste (ARKTL) atribui sertifikadu ba estudante na’in-10 hafoin tuir formasaun jornalizmu  báziku  durante fulan tolu iha RCC Taroman.

“Estudante ne’ebé finaliza ona formasaun ha’u hanoin eskola sei uza hodi bele jere mídia  eskola hetan tan apoiu hosi profesór sira ne’ebé mak iha ona esperiénsia  kona-bá jornalizmu,”  Diretór Eskola Sekundáriu Jerál Públiku Suai, Francelino Freitas Carvalho hateten, kinta ne’e

Nia hateten, mídia eskola ka jornál parede eskola nian durante ne’e ladún la’o ho di’ak tanba menus rekursu umanus aut jere sustentabilidade mídia eskola.  Tanba ne’e, estudante ne’ebé finaliza ona formasaun iha área jornalizmu ne’e hanesan rekursu eskola nian atu bele ajuda iha mídia eskola.

Formasaun ne’e realiza tanba Eskola halo kolaborasaun ho RCC Taroman ne’ebé hetan apoiu hosi Asosiasaun Radios Komunidade Timor leste (ARKTL)

Jerente  RCC  Taroman, Chamut Nahak, agradese ba ARKTL apoiu eskola ho RCC Taroman hodi fó formasaun jornalizmu báziku ba estudante sira.

“Ami sei  kontinua fó formasaun ba estudante sira ne’ebé hakarak aprende iha área jornalizmu,” nia hateten.

Prezidente ARKTL, Prezado Ximenes husu ba estudante ne’ebé finaliza ona formasaun jornalizmu tenke aproveita didi’ak.

“Ha’u kontente bainhira rona RCC Taroman iha programa hodi bele fó formasaun ba estudante iha área jornalizmu nian,” Prezado hateten.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here