Prezidente FFTL, Francisco Martins da Costa Pereira Jerónimo. Imajen TATOLI/Egas Cristóvão.

DILI, 23 setembru 2021 (TATOLI) – Prezidente Federasaun Futeból Timor-Leste (FFTL), Francisco Jerónimo, hateten ho preparasaun ekipa selesaun nasionál U-23 no seniór ne’ebé másimu, laiha duvida atu Timor-Leste manan Brunei Darussalam iha jogu play of  hodi ultrapasa ba faze grupu AFF Suzuki Cup 2020.

Notísia Relevante : Susesu iha AFF, FFTL agradese Francisco Kalbuadi

“Ita nia selesaun preparasaun másimu loos, sira agora tama hela iha fatin seguru ne’ebé mak adekuadu la tabik ho família, ami mak kontrola kada loron tuir treinu de’it atu bainhira ita ba joga bele ultrapasa ba faze grupu bainhira ita manan Brunei,” Francisco  Jerónimo ba Agéncia Tatoli iha resintu FFTL, Dili, kinta ne’e.

Maski iha grupu A iha ekipa hosi nasaun ne’ebé forte tebes lideransa másimu FFTL ne’e la lakon esperansa nafatin otimista Timor – Leste sei hatudu rezultadu di’ak.

“Ita labele haree ba grupu ne’e, ita iha hanoin ida de’it hakarak manan grupu sira-ne’e. Ha’u dehan ona ba ita nia ekipa, tenke ba hatudu, ita tenke ba manan ho dignidade lakon mós tenke ho dignidade tenke ba atu manan mós esperiénsia,” nia hateten.

Tuir oráriu ne’ebé iha jogu refere sei hala’o iha dezembru mai ne’e sei partisipa husi nasaun 11 iha ASEAN.

Sorteiu ne’ebé dada ona fahe ba grupu rua (2) A no B, husi grupu A kompostu husi nasaun lima mak hanesan, Tailándia, Filipina, Myanmar, Singapura no ida mak Timor – Leste ou Brunei tanba sei joga play of mak hakat ba grupu refere. Enkuantu Grupu B mak hanesan, Indonézia, Malázia, Vietname, Cambodia no Laos.

Jornalista       : Hrotencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here