Serimónia entrega funsionáriu kazuál na'in-haat hosi Sekretáriu Estadu Igualidade no Inkluzaun (SEII), ba administrasaun munisípiu Viqueque, hodi sai pontu fokál iha postu administrativu haat, kuarta (22/09/21). Imajen Tatoli/ Vitorino Lopes da Costa.

VIQUEQUE, 22 setembru 2021 (TATOLI)—Sekretáriu Estadu Igualidade no Inkluzaun (SEII), ofisialmente entrega funsionáriu kazuál na’in-haat ba administrasaun munisípiu Viqueque, hodi sai pontu fokál iha postu administrativu haat.

Objetivu hosi destakamentu kazuál hirak-ne’e ba postu administrativu haat hanesan Ossu, Lacluta, Uatulari no Uatucarbau, atu monitoriza atividade ne’ebé implementa hosi SEII, halo mós sosializasaun, advokasia ba programa SEII.

Notísia relevante:SEII fó formasaun ba funsionáriu foun 36

“Pontu fokál sira sei halo sosializasaun ba grupu feto-sira no ajuda halo proposta ruma ba atividade feto nian,” Diretóra Planeamentu no Monitorizasaun Estratejia SEII, Benigna Maria Amaral, hateten ba jornalista iha sala enkontru munisípiu Viqueque, kuarta ne’e.

Durante ne’e pontu fokál SEII iha Viqueque ita de’it ema na’in-ida, susar atu hala’o atividade, maibé agora daudaun postu administrativu sira iha hotu ona, sei fasilita diak liu tan serbisu.

Iha tinan 2021, SEII rekruta ona funsionáriu kazuál hamutuk 39 no fahe ona ba postu administrative hamutuk 39 iha munisipiu-sira.

Iha fatin hanesan, administradór munisípiu Viqueque, Januario Soares Bolly, agradese ba SEII ne’ebé destaka tan pontu fokál na’in-haat mai Viqueque, no iha esperansa boot katak, sei fasilita diak liu tan serbisu.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here