Embaixadór Indonesia iha Timor-Leste, Sahat Sitorus. Imajen TATOLI/Egas Cristóvão.

DILI, 21 setembru 2021 (TATOLI)–Embaixadór Repúblika Indonézia, Sahat Sitorus, husu Prezidente Parlamentu Nasionál, Deputadu Aniceto Aniceto Longuinhos Guterres Lopes, partisipa konferénsia Uniaun Interparlamentár (IPU-sigla inglés) ne’ebé sei realiza iha 20-24 marsu 2022 iha Bali, Indonézia.

Notísia Relevante: PPN-Embaixadór Indonézia iha TL diskute futuru kooperasaun

“Ha’u ko’alia ho Prezidente Parlamentu Nasionál kona-bá konferénsia parlamentu IPU iha Bali iha 2022. Ha’u espera Prezidente Parlamentu Timor-Leste nian mós marka prezensa. Ajenda mundiál ida-ne’e Prezidente Kámara Indonézia (Puan Maharani) konvida ona nia atu partisipa konferénsia iha Bali ne’e,” Embaixadór Sahat Sitorus informa ba jornalista sira, iha uma fukun, kuarta ne’e.

Sahat Sitorus atualiza ajenda mundiál ne’e ba Prezidente Parlamentu Nasionál tanba Indonézia mak sai uma na’in ba konferénsia mundiál IPU nian iha Bali. 

Reprezentante Kámara Indonézia, Puan Maharani fó-sai iha Ajénsia Notisiza Indonézia, ANTARA News, katak Indonézia preparadu sai uma na’in iha konferénsia mundiál ne’e.

Puan Maharano hateten, konférensia IPU ne’ebé realiza iha Bali ne’e iha valór estratéjiku tebes, tanba konferénsia ne’e fó otimizmu hosi parlamentu oioin iha mundu ba komunidade internasionál, nune’e bele sai hosi atmosfera pandemia COVID-19.

Nune’e mós, tuir nia, mundu iha esperansa haree impaktu pozitivu hosi rezultadu distribuisaun vasina no haree ba rekuperasaun ekonómika.

iha konferénsia iha Bali ne’e nu’udar reseptákulu hodi hametin kooperasaun entre parlamentu sira nune’e fahe kuñesimentu no esperiénsia ba malu, no hosi ne’e bele foti desizaun di’akliu no halo rekuperasaun ekonómika hosi impaktu pandemia COVID-19.

Jornalista : Evaristo Soares Martins

Editór       : Cancio Ximeens

HAKEREK NO HATÁN

Please enter your comment!
Please enter your name here