Logotipu TLDG.

DILI, 21 setembru 2021 (TATOLI)—Timor-Leste Debating Group (TLDG), tuir planu sei realiza formasaun virtual liuhosi zoom konaba “Oinsa atu halo peskiza ne’ebé di’ak” ba joven sira iha sábadu (25/09) ne’e.

“Formasaun ne’e konabá oinsá atu halo peskiza ne’ebé di’ak” hodi kapasita joven sira atu komprende kle’an liu kona-bá lala’ok ba peskiza no buka referénsia ho lolos ne’e mak oinsá,” Prezidente Komisaun Organizadóra, Leónia L. Freitas, hateten ba Agência Tatoli, via telefónika, tersa ne’e.

TLDG sei uza peskiza ne’ebé real no legál, ho objetivu atu kapasita joven sira hodi komprende kle’an liután konabá maneira buka dadus ne’e liuhosi dokumentu bibliografia no jurnal sira liuhosi internet.

Formasaun ne’e prepara ba joven no estudante sira-ne’ebé mak interese ba debate, tanba joven sira tenke hatene oinsá atu peskiza loloos bazea ba tópiku ne’ebé TLDG hili.

Matéria formasaun ne’e foku liu ba peskiza loloos mak oinsa, oinsa atu buka referênsia ne’ebé di’ak, referênsia ne’ebé presiza atu uza iha debate ne’e mak oinsa, no evidênsia ida di’ak iha peskiza ne’e mak ida oinsa.

Totál partisipante ne’ebé sei partisipa iha formasaun ne’e hamutuk 100-resin, kompostu hosi joventude sira ne’ebé iha interese.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here