Ministru Justisa, Manuel Cárceres da Costa. Imajen/Egas Cristovão.

DILI, 21 setembru 2021 (TATOLI)—Ministériu Justisa (MJ), aprezenta ona orsamentu millaun $12-resin ba Komisaun Revizaun  Orsamentu  Polítika  (KROP), ne’ebé  prevee iha Orsamentu Jerál Estadu (OJE) 2022.

Ministru Justisa, Manuel Cárceres da Costa, hateten tetu inisiál ba tinan oin ministéiru ne’e hetan $11.851.374, aloka ba saláriu vensimentu, bens serbisu no kapitál menór, maibé la sufisiente atu implementa programa-sira, nune’e husu tan adisionál $966.550,70.

Notísia relevante:KROP aprova tetu fiskál proposta OJE 2022 biliaun $1,675

“Adisionál ne’e prevee iha fundu infraestrutura rihun $200-resin, hodi buka konsultór halo dezeñu ba prizaun Weberek,” Manuel Cárceres, hateten ba jornalista sira iha Prizaun Becora, tersa ne’e.

Alende ne’e, sei haforsa sistema DMIS no halo interligasaun sistema iha Rejistu Notariadu ho Sistema Serbisu Nasionál Kadastru, iha Diresaun Nasionál Terras no Propriedade, nune’e kria ona Komisaun hodi bele rezolve problema disputa husi parsela rai.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here