Osan Dollar Amerikanu. Imajen/Espesiál

DILI,21 setembru 2021 (TATOLI)-Diretora Finansa Munisípiu Lautem, Liberata dos Santos relata husi totál orsamentu jerál Estadu (OJE) 2021 hamutuk $4.157.022.00, ne’ebé aloka ba munisípiu Lautem konsege ona ezekuta pursentu 54.87(%).

Husi OJE 2021 hamutuk $4.157.022.00 aloka ba saláriu no vensimentu $1.253.335.00, bem servisu $1.293.867.50, kapitál menór $192.093.50, kapitál dezenvolvimentu $172.363.00, no transferénsia públika $1.245.363.00.

“Hahú iha fulan-janeiru mai to’o fulan-setembru 2021, ita ezekuta ona 54.87%,” Liberata dos Santos, hato’o ba Tatoli, via telefónika.

Husi saláriu no vensimentu  $1.253.335.00 ne’e ezekuta ona $775.706.48,  bem servisu $1.293.867.50 konsege ezekuta ona $631.257.04, no transferénsia públika $1.245.363.00, ezekuta ona $874.195.07.

Kona-ba orsamentu ne’ebé aloka ba kapitál menór no kapitál dezenvolvimentu, nia hateten seidauk bele ezekuta relasaun ho problema pandemia globál COVID-19 hodi difikulta prosesu ezekusaun orsamentu ba tinan 2021.

“Kapitál menór agora iha hela prosesu konkursu atu sosa komputadór lima ba Postu Administrativu-lima, karreta funerariu ida no operasionál rua, mobiliáriu ba Postu Administrativu sira, kapitál dezenvolvimentu seidauk ezekuta tanba sei prosesu tenderizasaun ba projetu rua hanesan, halo rezidénsia ba administrdór munisípiu nian, no moru haleu Administrasaun munisípiu ninian,” nia hateten.

Mezmu ezekusaun orsamentu husi item kapitál menór no dezenvolvimentu seidauk lao, maibé Diretora ne’e garante sei halo esforsu hodi ezekuta to’o hotu antes tinan 2021 ramata.

Jornalista : Arminda Fonseca

Editór : Agapito dos Santos

HAKEREK NO HATÁN

Please enter your comment!
Please enter your name here