Embaixadór Japaun iha Timor-Leste, Masami Kinefuchi, oferese fundus ba World Food Programme (WFP) hodi apoiu povu TL perante situasaun COVID-19, iha otel Timor, tersa (21/09). Imajen Tatoli/Francisco Sony.

DILI, 21 setembru 2021 (TATOLI)—Governu Timor–Leste (TL) liuhosi Ministru Koordenadór Assuntu Ekonómika (MKAE), Joaquim Amaral, sai sasin ba asina akordu entre Governu Japaun no World Food Programme (WFP) hodi apoia ai-han ba povu Timorense iha situasaun pandemia COVID-19.

Ministru Joaquim Amaral,  konsidera assina akordu hosi parte rua importante tebes ba TL tanba durante tinan ida resin pandemia COVID-19 halo ema hotu book an la di’ak, nune’e parte rua bele oferese ai-han hodi responde situasaun ne’e.

Notísia relevante:COVID-19, mate rua no rekoperadu 318

“Ita mai sai sasin ba asinatura nota ne’e, tanba tinan ida resin ita hasoru COVID-19 ho implikasaun boot. Nune’e, ita mós hasoru tan inundasaun boot foin lalais ne’e, maka ita nia parseiru boot sira hare hodi fó apoiu mai ita,” nia hateten.

Governu Japaun ajuda TL la’ós foin agora, maibé bebeik ona, tanba ne’e lori povu TL nia naran hato’o agradese wain.

Iha fatin hanesan, Embaixadór Japaun iha TL, Masami Kinefuchi, ai-han ne’ebé sei fó ba povu TL  mak hanesan, fos, fore, batar ba populasaun hirak ne’ebé afetadu ba pandemia COVID-19 no inundasaun iha 04 abril.

Montante hosi ajuda atu hola ai-han sira ne’e ho osan hamutuk millaun $3 no osan sira ne’e mai hosi Governu Japaun.

Jornalista: Hortencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here