Idózu no ema ho difisiente simu subsídiu iha sukursál BNCTL, iha Dili. Imajen TATOLI/António Gonçalves

DILI, 21 setembru 2021 (TATOLI)—Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, informa iha 17 setembru liubá INSS konklui ona pagamentu ba idozu-invalidéz hamutuk 92.207.

Notísia Relevante: Idozu-Invalidéz pursentu 90 simu ona subsídiu

“Ita konklui ona pagamentu ba benefisiáriu idozu no invalidéz iha territóriu Timor-Leste hamutuk 92.207 ho nia osan $16.576.320,” Longuinhos Armando Leite hateten ba Agência TATOLI, iha nia knaar fatin, Caicoli, Dili, segunda ne’e.

Bainhira simu hotu ona mak iha ema balun reklama katak nia seidauk simu no ho razaun balun entaun INSS sei halo adisionál no sei selu fali reklamante sira-ne’e iha faze daruak nian.

‘Bainhira iha reklamante ita sei halo lista adsionál hodi haruka ba banku no sira sei simu sira-nia direitu iha faze daruak ne’ebé sei akontese iha fulan-novembru tinan ne’e,” nia informa.

Atu halo adisionál ne’e, nai dehan, INSS mós sei hein relatóriu hosi banku mak hafoin halo adisionál ba reklamante sira no haruka karta ba banku nune’e banku bele halo pagamentu ba lista reklamante sira, maibé sira ba direitamente iha banku mak simu sira-nia osan.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here