Sekertáriu Estadu Joventude no Desportu (SEJD), Abrão Saldanha. Imajen Tatoli/Francisco Sony.

LAUTÉM, 20 setembru 2021 (TATOLI)—Sekretáriu Estadu Joventude no Desportu (SEJD), Abrão Saldanha, halo abertura ba formasaun arbitrázen no treinadór ba modalidade atletizmu, iha postu administrativu Lospalos, munisípiu Lautem, segunda ne’e.

“Programa ida-ne’e Governu realiza hamutuk ho Federasaun Atletizmu Timor–Leste (FATL), atu haforsa liu tán atividade liu hosi aumentu rekursu umanu ba tékniku-sira ho fó formasaun ba treinadór no arbitrázen nível báziku,” Abrão Saldanha hateetn ba jornalista-sira, iha Lospalos, segunda ne’e.

Notísia relevante:FFTL fó formasaun arbitrazen ba joven na’in 25 iha Bobonaro

Objetivu kle’an hosi programa ne’e, atu lori desportu mai komunidade iha baze no mós bele deskobre talentu ema nian bainhira konklui formasaun bele fila ba ida-idak nia aldeia hala’o atividade liga ho deskobrimentu talentu foin sa’e.

Iha fatin hanesan, Prezidente FATL, Afránio Amaral, hateten programa ne’e hetan apoiu hosi SEJD ho montante rihun $74, atu kapasita no habelar desportu iha baze.

Programa ne’e sei implementa uluk iha munisípiu hitu mak hanesan, Lautém, Manatuto, Viqueque, Manufahi, Aileu, Liquiça no Ermera.

Partisipa iha formasaun ne’e mai hosi postu administrativu-sira iha Munisipiu Lautém kompostu hosi ema na’in 30, hosi númeru ne’e na’in 15 tuir formasaun kona-bá treinadór no na’in 15 formasaun iha nível arbitrázen.

Kada munisípiu sei hala’o formasaun ho durasaun loron lima (5) no bainhira konklui sei simu kedan sertifikadu.

Jornalista: Hortencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here