Ospitál Referál Suai. Imajen TATOLI:/Eugenio Pereira.

COVALIMA, 20 setembru 2021 (TATOLI)—Xefe Departamentu Maternidade, Carmen de Jesus Gusmão informa, hahú hosi fulan-jullu to’o agostu tinan ne’e Ospitál Referál Suai (Covalima) liuhosi Departamentu Maternidade fó partu inan isin-rua hamutuk 186.

Notísia Relevante: Tanba Moos, Ambiente Ospitál Suai Kategória “Eselente”

“Durante fulan rua, ami atende no inan isin-rua hamutuk na’in-185 mak partu iha óspital ida-ne’e. Hosi númeru ne’e, iha fulan-jullu inan isin-rua 84 no fulan agostu na’in 101,” Xefe Departamentu Maternidade ne’e informa ba Agência Tatoli, iha Ospital Referál Suai, Covalima, segunda ne’e. 

Departamentu maternidade nia servisu hodi halo atendementu ba inan isin-rua sira-ne’ebé atu partu, inan isin-rua ho problema, bebé moris ho problema, inan husu saúde reprodusaun, planu famíliár, konseling inan molok fila ba uma no imunizasaun ba bebé foin moris. 

Maske halo atendementu ho fasilidade no rekursu ne’ebè menus no bainhira hasoru difikuldade, departamantu maternidade halo konsultasaun ho doutór espesialista sira hodi buka solusaun.

Tuir lolos rekursu sufisiente atu atende ba inan isin-rua sira, maibé tanba parteira balun kontinua fali nia estudu no balun husu lisensa maternidade.

Maibé, nia dehan, daudaun ne’e departamentu maternidade hetan ona apoiu hosi estudante sira-ne’ebé halo estájiu iha óspitál referral ne’e, hodi ajuda parteira halo atendementu ba inan isin-rua atu partu. 

Iha Departamentu Martenidade ne’e, iha doutór espesialista genekologi, pediatria no médiku jerál ida mak servisu hamutuk, no bainhira iha konplikasaun ka parteira labele atende no doutór espesialita sira laiha, pasiente sira-ne’e sei transfere ba óspitál nasionál.

Durante pandemia COVID-19ne’e, departamentu maternidade loron ida halo atendementu inan isin-rua entre na’in-rua (2) ka na’in-tolu (3).

Jornalista : Celestina Teles

Editór       : Francisco Simões

HAKEREK NO HATÁN

Please enter your comment!
Please enter your name here